A- A A+
Ақмола облысының жұмыспен қамтуды және әлеуметтік бағдарламаларды үйлестіру басқармасы Ақмола облысының жұмыспен қамтуды және әлеуметтік бағдарламаларды үйлестіру басқармасы
Әке болуды анықтауды тіркеу, оның ішінде азаматтық хал актілері жазбаларына өзгерістер, толықтырулар мен түзетулер енгізу мемлекеттік көрсетілетін қызмет стандарты

Қазақстан Республикасы
Әдiлет министрiнiң
2015 жылғы 17 сәуiрдегi
№ 219 бұйрығына
4-қосымша

"Әке болуды анықтауды тiркеу, оның iшiнде азаматтық хал актiлерi жазбаларына өзгерiстер, толықтырулар мен түзетулер енгiзу" мемлекеттiк көрсетiлетiн қызмет стандарты

1. Жалпы ережелер

1. "Әке болуды анықтауды тiркеу, оның iшiнде азаматтық хал актiлерi жазбаларына өзгерiстер, толықтырулар мен түзетулер енгiзу" мемлекеттiк қызметi (бұдан әрi — мемлекеттiк көрсетiлетiн қызмет).

2. Мемлекеттiк көрсетiлетiн қызмет стандартын Қазақстан Республикасы Әдiлет министрлiгi (бұдан әрi — Министрлiк) әзiрлеген.

3. Мемлекеттiк көрсетiлетiн қызметтi Астана және Алматы қалаларының, аудандардың және облыстық маңызы бар қалалардың жергiлiктi атқарушы органдары (бұдан әрi — ЖАО) (бұдан әрi — көрсетiлетiн қызметтi берушi) көрсетедi.

Өтiнiштердi қабылдау және мемлекеттiк қызмет көрсету нәтижесiн беру Астана және Алматы қалаларының, аудандардың және облыстық маңызы бар қалалардың, қаладағы аудандардың, аудандық маңызы бар қалалардың ЖАО, кенттердiң, ауылдардың, ауылдық округтердiң әкiмдерi арқылы жүзеге асырылады.

2. Мемлекеттiк қызмет көрсету тәртiбi

4. Мемлекеттiк қызмет көрсету мерзiмi:

1) егер туу туралы акт жазбасы өтiнiш берген жерде болса, көрсетiлетiн қызметтi берушiге құжаттар топтамасын тапсырған кезден бастап — 1 (бiр) жұмыс күнi;

2) егер туу туралы акт жазбасы Қазақстан Республикасының аумағында басқа тiркеушi органда болса, көрсетiлетiн қызметтi алушыны 3 (үш) күнтiзбелiк күн iшiнде хабардар ете отырып, көрсетiлетiн қызметтi берушiге құжаттар топтамасын тапсырған кезден бастап — 30 (отыз) күнтiзбелiк күн;

3) азаматтық хал актiсi жазбасына өзгерiстер, толықтырулар мен түзетулер енгiзу туралы өтiнiш 7 (жетi) жұмыс күнi iшiнде (қабылданған күн мемлекеттiк қызмет көрсету мерзiмiне кiрмейдi), басқа мемлекеттiк органдарға сұрау салу қажет болған кезде қызмет көрсету мерзiмi көрсетiлетiн қызметтi алушы күнтiзбелiк 3 (үш) күн iшiнде хабардар етiле отырып, күнтiзбелiк 30 (отыз) күннен аспайтын уақытқа ұзартылады;

көрсетiлетiн қызметтi алушының құжаттар топтамасын тапсыруы үшiн рұқсат берiлетiн ең ұзақ күту уақыты — 20 (жиырма) минут;

3) көрсетiлетiн қызметтi алушыға қызмет көрсетудiң рұқсат берiлетiн ең ұзақ уақыты — 20 (жиырма) минут.

5. Мемлекеттiк қызмет көрсету нысаны: қағаз түрiнде.

6. Мемлекеттiк қызметтi көрсетудiң нәтижесi:

жеке басын куәландыратын құжатты көрсеткен кезде қағаз жеткiзгiштегi әке болуды анықтау туралы куәлiк, туу туралы куәлiк (туу туралы акт жазбаға өзгерiстер енгiзiлген жағдайда), енгiзiлген өзгерiстерiмен, толықтырулармен және түзетулермен қоса әке болуды анықтау туралы қайталама куәлiк не осы мемлекеттiк қызмет көрсету стандартының 9-1-тармағында көзделген жағдайларда және негiздер бойынша мемлекеттiк қызмет көрсетуден бас тарту туралы дәлелдi жауап.

Мемлекеттiк қызмет көрсету нәтижесiнiң нысаны: қағаз түрiнде.

7. Мемлекеттiк көрсетiлетiн қызмет ақылы/тегiн жеке тұлғаларға (бұдан әрi — көрсетiлетiн қызметтi алушы) көрсетiледi.

1) әке болуды анықтауды мемлекеттiк тiркеу тегiн көрсетiледi.

2) әке болуды анықтау туралы акт жазбасына өзгерiстер, толықтырулар және түзетулер енгiзiлуiне байланысты куәлiк берiлгенi үшiн 0,5 айлық есептiк көрсеткiш мөлшерiнде мемлекеттiк баж алынады.

Мемлекеттiк баж сомасы "Салық және бюджетке төленетiн басқа да мiндеттi төлемдер туралы" 2008 жылғы 10 желтоқсандағы Қазақстан Республикасының Кодексiнiң (Салық кодексi) 537-бабына сәйкес, белгiленген мөлшерлемелер бойынша есептеледi және заңдық маңызы бар iс-әрекеттер жасалған және (немесе) уәкiлеттi мемлекеттiк органдар немесе лауазымды адамдар құжаттар берген орны бойынша есепке алынады.

Мемлекеттiк баж мөлшерi мен төленген күнiн растайтын төлем құжатын беретiн банк мекемелерi арқылы төленедi.

8. Көрсетiлетiн қызметтi берушiнiң жұмыс кестесi — Қазақстан Республикасының еңбек заңнамасына сәйкес демалыс және мереке күндерiн қоспағанда, дүйсенбiден бастап жұманы қоса алғанға дейiн.

Өтiнiштердi қабылдау және мемлекеттiк қызмет көрсету нәтижесiн беру — Қазақстан Республикасының еңбек заңнамасына сәйкес демалыс және мереке күндерiн қоспағанда, дүйсенбiден бастап жұманы қоса алғанда, сағат 09.00-ден 17.30-ға дейiн, түскi үзiлiс сағат 13.00-ден 14.30-ға дейiн.

Мемлекеттiк көрсетiлетiн қызмет алдын ала жазылусыз және жеделдетiп қызмет көрсетусiз кезек тәртiбiмен көрсетiледi.

9. Мемлекеттiк қызметтi көрсету үшiн қажеттi құжаттардың тiзбесi:

ата-ананың бiрлескен өтiнiшi бойынша әке болуды анықтауды тiркеу үшiн:

1) осы мемлекеттiк көрсетiлетiн қызмет стандартына 1-қосымшасына сәйкес нысандағы әкелiктi анықтауды мемлекеттiк тiркеу туралы өтiнiш (бұдан әрi — өтiнiш);

2) баланың туу туралы куәлiгiн, мұндай өтiнiш бала туылғанға дейiн берiлген кезде — медициналық ұйым немесе жекеше практикамен айналысатын дәрiгер берген анасының жүктiлiгiн растайтын медициналық анықтама. Егер әке болуды анықтауды мемлекеттiк тiркеу тууды мемлекеттiк тiркеумен бiр мезгiлде жүргiзiлетiн болса, баланың туу туралы куәлiгi талап етiлмейдi;

3) ата-анасының жеке басын куәландыратын құжат (тұлғаны сәйкестендiру үшiн).

Анасы қайтыс болған, анасы қайтыс болды деп жарияланған, анасы психикалық ауруының немесе ақыл есi кемдiгi салдарынан әрекетке қабiлетсiз деп танылған, анасы ата-ана құқықтарынан айрылған немесе шектелген, баланың анасының тұратын жерiн анықтау мүмкiн болмаған жағдайларда баланың әкесiнiң өтiнiшi бойынша әке болуды анықтауды тiркеу үшiн:

1) осы мемлекеттiк көрсетiлетiн қызмет стандартына 2-қосымшаға сәйкес өзiн баланың әкесi деп мойындайтын тұлғаның әке болуды анықтау туралы өтiнiш;

2) әкесiнiң өтiнiшiнде көрсетiлген негiзiне байланысты анасының болмауының мән-жайларын растайтын құжаттар: анасының қайтыс болуы туралы куәлiк; анасын психикалық ауруының немесе ақыл есi кемдiгi салдарынан әрекетке қабiлетсiз деп тану туралы, оны қайтыс болды деп жариялау туралы, анасын ата-ана құқықтарынан айыру немесе шектеу туралы сот шешiмi; анасының тұратын жерiн анықтау мүмкiн еместiгi туралы анықтама;

3) ата-анасының жеке басын куәландыратын құжат (тұлғаны сәйкестендiру үшiн).

Сот шешiмi негiзiнде әке болуды анықтауды тiркеу үшiн:

1) осы мемлекеттiк көрсетiлетiн қызмет стандартының 3-қосымшасына сәйкес нысандағы сот шешiмi бойынша әке болуды анықтау туралы өтiнiш;

2) әке болуды анықтау туралы сот шешiмiнiң көшiрмесi;

3) баланың туу туралы куәлiгi;

4) ата-анасының бiреуi қайтыс болған жағдайда, қайтыс болу туралы куәлiк;

5) ата-анасының жеке басын куәландыратын құжат (тұлғаны сәйкестендiру үшiн).

Әке болуды анықтау туралы акт жазбасына өзгерiстер, толықтырулар және түзетулер енгiзу үшiн қажеттi құжаттар тiзбесi:

1) осы мемлекеттiк көрсетiлетiн қызмет стандартының 4-қосымшасына сәйкес нысандағы өзгерiстер, толықтырулар және түзетулер енгiзу туралы өтiнiш;

2) көрсетiлетiн қызметтi алушының туу туралы куәлiгi, егер куәлiктiң түпнұсқасы жоғалған жағдайда — тууды тiркеу туралы анықтама;

3) әке болуды анықтау туралы куәлiк, егер куәлiктiң түпнұсқасы жоғалған жағдайда — әке болуды анықтауды тiркеу туралы анықтама;

4) өзгерiстер, толықтырулар және түзетулер енгiзу қажеттiгiн растайтын құжаттар;

5) мемлекеттiк баждың бюджетке төленгенiн растайтын құжат немесе салық жеңiлдiктерiн беруге негiз болып табылатын құжат;

6) нотариатта куәландырылған сенiмхат (көрсетiлетiн қызмет алушының өкiлi жүгiнген жағдайда);

7) ата-анасының бiреуi қайтыс болған жағдайда, қайтыс болу туралы куәлiк;

8) ата-анасының жеке басын куәландыратын құжат (тұлғаны сәйкестендiру үшiн) ұсынылады.

Құжаттарды қабылдау кезiнде Астана және Алматы қалаларының, аудандардың және облыстық маңызы бар қалалардың, қаладағы аудандардың, аудандық маңызы бар қалалардың ЖАО, кенттердiң, ауылдардың, ауылдық округтердiң әкiмдерi құжаттардың көшiрмелерiн тексередi, одан кейiн көрсетiлетiн қызметтi берушiге түпнұсқасын қайтарады.

Көрсетiлетiн қызметтi алушы барлық қажеттi құжаттарды Астана және Алматы қалаларының, аудандардың және облыстық маңызы бар қалалардың, қаладағы аудандардың, аудандық маңызы бар қалалардың ЖАО, кенттердiң, ауылдардың, ауылдық округтердiң әкiмдерiне берген кезде құжаттар топтамасының қабылданған күнi мен уақыты көрсетiлген тiркеу туралы белгi қағаз жеткiзтегi өтiнiштiң қабылдағанын растау болып табылады.

Көрсетiлетiн қызметтi алушының жеке басын куәландыратын құжаттар туралы, сондай-ақ, егер тiркеу Қазақстан Республикасының аумағында 2008 жылдан кейiн жүргiзiлген болса, азаматтық хал актiлерiн тiркеу туралы куәлiктер жөнiндегi мәлiметтердi көрсетiлетiн қызметтi берушi "электрондық үкiмет" шлюзi арқылы тиiстi мемлекеттiк ақпараттық жүйелерден алады.

9-1. Көрсетiлетiн қызметтi берушi мемлекеттiк қызметтi көрсетуден мынадай негiздер бойынша бас тартады:

1) көрсетiлетiн қызметтi алушының мемлекеттiк көрсетiлетiн қызметтi алу үшiн ұсынған құжаттарының және (немесе) олардағы деректердiң (мәлiметтердiң) анық еместiгiнiң белгiлi болуы;

2) көрсетiлетiн қызметтi алушының және (немесе) мемлекеттiк қызмет көрсету үшiн қажеттi ұсынылған материалдардың, деректердiң және мәлiметтердiң Қазақстан Республикасының "Неке (ерлi-зайыптылық) және отбасы туралы" Кодексiнiң, "Жеке басты куәландыратын құжаттар туралы" және "Сәйкестендiру нөмiрлерiнiң ұлттық тiзiлiмдерi туралы" Қазақстан Республикасы Заңдарының, "Азаматтық хал актiлерiн мемлекеттiк тiркеудi ұйымдастыру, азаматтық хал актiлерiнiң жазбаларына өзгерiстер енгiзу, қалпына келтiру, күшiн жою тәртiбi қағидаларын бекiту туралы" Қазақстан Республикасы Әдiлет министрiнiң 2015 жылғы 25 ақпандағы № 112 бұйрығының (Нормативтiк құқықтық актiлердi мемлекеттiк тiркеу тiзiлiмiнде № 10764 болып тiркелген) талаптарына сәйкес келмеуi;

3) уәкiлеттi мемлекеттiк органның мемлекеттiк қызмет көрсету үшiн талап етiлетiн қажеттi келiсiмi туралы сұрау салуға берiлген терiс жауап, сондай-ақ сараптаманың, зерттеудiң не тексерудiң терiс қорытындысы;

4) ата-ананың бiрлескен өтiнiшi бойынша әке болуды анықтауды мемлекеттiк тiркеу үшiн өкiл арқылы жүгiнген кезде.

Көрсетiлетiн қызметтi алушы осы мемлекеттiк көрсетiлетiн қызмет стандартының 9-тармағында көзделген тiзбеге сәйкес құжаттардың топтамасын толық ұсынбаған және (немесе) қолданылу мерзiмi өтiп кеткен құжаттарды ұсынған жағдайларда көрсетiлетiн қызметтi берушi өтiнiштi қабылдаудан бас тартады.

3. Мемлекеттiк қызмет көрсету мәселелерi бойынша көрсетiлетiн қызметтi берушiлердiң және (немесе) олардың лауазымды адамдарының шешiмдерiне, әрекетiне (әрекетсiздiгiне) шағымдану тәртiбi

10. Көрсетiлетiн қызметтi берушiнiң және (немесе) оның лауазымды адамдарының мемлекеттiк қызметтер көрсету мәселелерi бойынша шешiмдерiне, әрекеттерiне (әрекетсiздiгiне) шағым жасау: шағым мемлекеттiк қызмет көрсету стандартының 14-тармағында көрсетiлген мекенжайлар бойынша көрсетiлетiн қызметтi берушiнiң басшысының атына берiледi.

Лауазымды адамдардың әрекеттерiне (әрекетсiздiгiне), сондай-ақ субъектiнiң шешiмдерiне шағым жоғары тұрған лауазымды адамға немесе бағыныстылық тәртiбiмен субъектiге тиiстi субъектiнiң немесе лауазымды адамның әрекет жасағаны не шешiм қабылдағаны жеке немесе заңды тұлғаға белгiлi болған мерзiмнен бастап үш айдан кешiктiрiлмей берiледi. Шағым беру мерзiмiнiң өтiп кетуi субъектi немесе лауазымды адамның шағымды қараудан бас тартуына негiз болып табылмайды. Мерзiмнiң өтiп кету себептерi шағымды мәнi бойынша қарау кезiнде анықталады және шағымды қанағаттандырудан бас тартуға негiздiң бiрi болып табыл.

Көрсетiлетiн қызметтi алушы көрсетiлген қызметтiң нәтижелерiмен келiспеген жағдайда ол мемлекеттiк қызметтер көрсету сапасын бағалау және бақылау жөнiндегi уәкiлеттi органға шағым жасай алады.

Көрсетiлетiн қызметтi алушының мемлекеттiк қызмет көрсету сапасын бағалау және бақылау жөнiндегi уәкiлеттi органның атына келiп түскен шағымы тiркелген күнiнен бастап 15 (он бес) жұмыс күнi iшiнде қаралуға жатады.

Көрсетiлетiн мемлекеттiк қызмет нәтижелерiмен келiспеген жағдайда, көрсетiлетiн қызметтi алушы Қазақстан Республикасының заңнамалына сәйкес сотқа жүгiне алады.

Шағым жазбаша нысанда пошта арқылы, "электрондық үкiметтiң" веб-порталы арқылы немесе көрсетiлетiн қызметтi берушiнiң, Министрлiктiң кеңсесi арқылы қолма-қол қабылданады.

Жеке тұлғаның шағымында оның тегi, аты, әкесiнiң аты (бар болса), пошталық мекенжайы, байланыс телефоны көрсетiледi.

Көрсетiлетiн қызметтi берушiнiң, Министрлiктiң кеңсесiнде шағымды қабылдап алған адамның тегi мен аты-жөнi, берiлген шағымға жауап алудың мерзiмi мен орны көрсетiле отырып, шағымды тiркеу (мөртабан, кiрiс нөмiрi және күнi) шағымның қабылданғанын растау болып табылады.

Портал арқылы жүгiнген кезде шағым жасаудың тәртiбi туралы ақпаратты Бiрыңғай байланыс орталығының 1414, 8 800 080 7777 телефоны бойынша алуға болады.

Шағымды көрсетiлетiн қызметтi алушыға портал арқылы "жеке кабинеттен" жiберген кезде жүгiну туралы ақпарат қолжетiмдi болады, ол көрсетiлетiн қызметтi берушiнiң өтiнiшiн өңдеу (жеткiзу, тiркеу, орындау туралы белгiлер, қарау немесе қараудан бас тарту туралы жауап) барысында жаңартылып тұрады.

Көрсетiлетiн қызметтi алушының көрсетiлетiн қызметтi берушiнiң атына келiп түскен шағымы тiркелген күнiнен бастап бес жұмыс күнi iшiнде қаралуға жатады. Шағымды қараудың нәтижелерi туралы дәлелдi жауап көрсетiлетiн қызметтi алушыға пошта арқылы жiберiледi, "электрондық үкiметтiң" веб-порталы арқылы және жiберiледi көрсетiлетiн қызметтi берушiнiң кеңсесiнде қолма-қол берiледi.

11. Көрсетiлген мемлекеттiк қызмет нәтижелерiмен келiспеген жағдайларда көрсетiлетiн қызметтi алушының Қазақстан Республикасының заңнамасында көзделген тәртiппен сотқа жүгiнуге құқығы бар.

4. Көрсетiлетiн мемлекеттiк қызмет көрсету ерекшелiктерi ескерiлген өзге де талаптар

12. Заңнамада белгiленген тәртiппен өзiне-өзi қызмет көрсетудi, өз бетiмен қозғалуды, бағдар алуды жүзеге асыру қабiлетiн немесе мүмкiндiгiн толық немесе iшiнара жоғалтқан көрсетiлетiн қызметтi алушыларға 1414, 8 800 080 7777 Бiрыңғай байланыс орталығы арқылы жүгiну жолымен мемлекеттiк қызмет көрсету үшiн құжаттарды қабылдауды тұрғылықты жерiне барып жүргiзедi.

13. Мемлекеттiк қызмет көрсету орындарының мекенжайлары мемлекеттiк қызмет берушiнiң интернет-ресурстарында орналастырылған.

14. Көрсетiлетiн қызметтi алушының мемлекеттiк қызмет көрсетудiң тәртiбi мен мәртебесi туралы ақпаратты 1414, 8 800 080 7777 Бiрыңғай байланыс орталығы арқылы қашықтықтан қолжетiмдiлiк режимiнде алады.

Жүктеу (DOCX 44 Kb)

Дата создания статьи: 24.07.2018 16:03
Парақтағы соңғы өзгерістер: 24.07.2018 16:03
Қаралым саны: 166

egov.kz - мемлекеттік қызметтер және ақпарат онлайн

@2018 Ақмола облысының жұмыспен қамтуды және әлеуметтік бағдарламаларды үйлестіру басқармасы

Пошталық мекенжайы: Көкшетау қаласы, Пушкин көшесі, 23

Телефон: 8 (7162) 76-36-90

Электрондық пошта адресі: social@akmo.kz