A- A A+
Ақмола облысының жұмыспен қамтуды және әлеуметтік бағдарламаларды үйлестіру басқармасы Ақмола облысының жұмыспен қамтуды және әлеуметтік бағдарламаларды үйлестіру басқармасы
Некені (ерлі-зайыптылықты) бұзуды тіркеу, оның ішінде азаматтық хал актілері жазбаларына өзгерістер, толықтырулар мен түзетулер енгізу мемлекеттік көрсетілетін қызмет cтандарты

Қазақстан Республикасы
Әдiлет министрiнiң
2015 жылғы 17 сәуiрдегi
№ 219 бұйрығына
9-қосымша

"Некенi (ерлi-зайыптылықты) бұзуды тiркеу, оның iшiнде азаматтық хал актiлерi жазбаларына өзгерiстер, толықтырулар мен түзетулер енгiзу" мемлекеттiк көрсетiлетiн қызмет cтандарты

1. Жалпы ережелер

1. "Некенi (ерлi-зайыптылықты) бұзуды тiркеу, оның iшiнде азаматтық хал актiлерi жазбаларына өзгерiстер, толықтырулар мен түзетулер енгiзу" мемлекеттiк көрсетiлетiн қызмет (бұдан әрi — мемлекеттiк көрсетiлетiн қызмет).

2. Мемлекеттiк көрсетiлетiн қызмет стандартын Қазақстан Республикасының Әдiлет министрлiгi (бұдан әрi — Министрлiк) әзiрледi.

3. Мемлекеттiк көрсетiлетiн қызметтi Астана және Алматы қалаларының, аудандардың және облыстық маңызы бар қалалардың жергiлiктi атқарушы органдары (бұдан әрi — ЖАО) (бұдан әрi — көрсетiлетiн қызметтi берушi) көрсетедi.

Өтiнiштердi қабылдау және мемлекеттiк қызмет көрсету нәтижесiн беру мынадай баламалы негiзде:

1) Астана және Алматы қалаларының, аудандардың және облыстық маңызы бар қалалардың, қаладағы аудандардың, аудандық маңызы бар қалалардың ЖАО, кенттердiң, ауылдардың, ауылдық округтердiң әкiмдерi;

2) "Азаматтарға арналған үкiмет" мемлекеттiк корпорациясы" коммерциялық емес акционерлiк қоғамы (бұдан әрi — Мемлекеттiк корпорация);

3) "электрондық үкiметтiң" www.egov.kz веб-порталы" (бұдан әрi — портал) арқылы жүзеге асырылады.

2. Мемлекеттiк қызмет көрсету тәртiбi

4. Мемлекеттiк қызметтi көрсету мерзiмдерi:

1) құжаттардың топтамасын тапсырған кезден бастап көрсетiлетiн қызметтi берушiге немесе Мемлекеттiк корпорацияға:

заңды күшiне енген сот шешiмiнiң негiзiнде некенi (ерлi-зайыптылықты) бұзуды тiркеу жөнiндегi мемлекеттiк қызмет сот шешiмiнiң негiзiнде 2 (екi) жұмыс күнi iшiнде (құжаттарды қабылдау күнi мемлекеттiк қызмет көрсету мерзiмiне кiрмейдi) көрсетiледi;

басқа аумақтық бiрлiкте шығару орны бойынша заңды күшiне енген сот шешiмiнiң негiзiнде, неке бұзуды тiркеу туралы өтiнiштi жолдау қажет болған кезде — күнтiзбелiк 30 (отыз) күн;

құжаттардың топтамасын тапсырған кезден бастап көрсетiлетiн қызметтi берушiге:

хабар-ошарсыз кеткен деп танылған, әрекетке қабiлетсiз немесе қылмыс жасағаны үшiн кемiнде үш жыл мерзiмге бас бостандығынан айыруға сотталған адаммен некенi (ерлi-зайыптылықты) бұзуды мемлекеттiк тiркеу, тiркеу органы өтiнiш түскен күннен бастап 1 (бiр) апта мерзiмде ол туралы қамауда жатқан жұбайға не әрекетке қабiлетсiз жұбайдың қорғаншысына немесе хабар-ошарсыз кеткен деп танылған жұбайдың мүлкiне қорғаншыға хабарлай отырып, күнтiзбелiк 45 (қырық бес) күн iшiнде (құжаттарды қабылдау күнi мемлекеттiк қызмет көрсету мерзiмiне кiрмейдi) көрсетiледi;

кәмелетке толмаған балалары жоқ ерлi-зайыптылардың өзара келiсiмi бойынша некенi (ерлi-зайыптылықты) бұзуды мемлекеттiк тiркеу өтiнiш берiлген күннен бастап бiр ай мерзiм өткеннен кейiн (құжаттарды қабылдау күнi мемлекеттiк қызмет көрсету мерзiмiне кiрмейдi) көрсетiледi;

осы мемлекеттiк көрсетiлетiн қызмет стандартының 9-тармағында белгiленген құжаттарды қосымша тексеру қажет болған кезде қызмет көрсету мерзiмi көрсетiлетiн қызметтi алушыны 3 (үш) күнтiзбелiк күн iшiнде хабардар ете отырып, күнтiзбелiк 30 (отыз) күннен аспайтын уақытқа ұзартылады;

азаматтық хал акт жазбасына өзгерiстер, толықтырулар мен түзетулер енгiзу туралы өтiнiш — 7 (жетi) жұмыс күнi (қабылдау күнi мемлекеттiк қызмет көрсету мерзiмiне кiрмейдi), басқа мемлекеттiк органдарға сұрау салу қажет болған кезде қызмет көрсету мерзiмi көрсетiлетiн қызметтi алушыны күнтiзбелiк 3 (үш) күн iшiнде хабардар ете отырып, күнтiзбелiк 30 (отыз) күннен аспайтын уақытқа ұзартылады;

порталда — өтiнiштi алғанын растау және некенi бұзуды тiркеу күнiн белгiлеу — 1 (бiр) жұмыс күнi;

2) көрсетiлетiн қызметтi алушыға құжаттардың топтамасын тапсыру үшiн рұқсат берiлетiн ең ұзақ күту уақыты:

көрсетiлетiн қызметтi берушiге — 20 (жиырма) минут;

Мемлекеттiк корпорацияға — 15 (он бес) минут;

3) көрсетiлетiн қызметтi алушыға рұқсат берiлетiн ең ұзақ қызмет көрсету уақыты:

көрсетiлетiн қызметтi берушiге — 20 (жиырма) минут;

Мемлекеттiк корпорацияға — 15 (он бес) минут;

5. Мемлекеттiк қызмет көрсету нысаны: электрондық/қағаз түрiнде.

6. Көрсетiлетiн мемлекеттiк қызметтiң нәтижесi:

жеке басын куәландыратын құжатты көрсету кезiнде қағаз жеткiзгiштегi некенi (ерлi-зайыптылықты) бұзуды мемлекеттiк тiркеу туралы куәлiк, енгiзiлген өзгерiстерiмен, толықтыруларымен және түзетулерiмен некенi (ерлi-зайыптылықты) бұзу туралы қайталама куәлiк не осы мемлекеттiк қызмет көрсету стандартының 10-тармағында көзделген жағдайлар мен негiздер бойынша мемлекеттiк қызмет көрсетуден бас тарту туралы дәлелдi жауап.

Порталда көрсетiлетiн қызметтi алушының "жеке кабинетiне" қызметтi берушiнiң уәкiлеттi адамының электрондық цифрлық қолтаңбасымен (бұдан әрi — ЭЦҚ) куәландырылған электрондық құжат нысанында электрондық өтiнiштiң қабылданғанын растау және некенi (ерлi-зайыптылықты) бұзуды тiркеу күнiнiң белгiленуi туралы хабарлама не осы мемлекеттiк қызмет көрсету стандартының 10-тармағында көзделген негiздер мен жағдайлар бойынша мемлекеттiк қызмет көрсетуден бас тарту туралы электронды құжат нысанында дәлелдi жауап жолданады.

Мемлекеттiк қызмет көрсету нәтижесiнiң нысаны: қағаз түрiнде.

7. Мемлекеттiк көрсетiлетiн қызмет жеке тұлғаларға (бұдан әрi — көрсетiлетiн қызметтi алушы) ақылы көрсетiледi.

Некенi (ерлi-зайыптылықты) бұзуды тiркегенi үшiн мемлекеттiк баж мынадай мөлшерде алынады:

1) кәмелетке толмаған балалары жоқ ерлi-зайыптылардың өзара келiсiмi бойынша — 2 айлық есептiк көрсеткiш (бұдан әрi — АЕК);

2) сот шешiмi негiзiнде — 1,5 АЕК (ерлi-зайыптылардың бiрiнен немесе екеуiнен де);

3) сот шешiмiнiң негiзiнде белгiленген тәртiпппен хабарсыз кеткен немесе жан күйзелiсi сырқаты немесе ақыл-есiнiң кемдiгi салдарынан әрекетке қабiлетсiз деп танылған адамдардан не қылмыс жасағаны үшiн үш жылдан астам мерзiмге бас бостандығынан айыруға сотталған адамдардан — 0,1 АЕК.

Некенi бұзу туралы акт жазбасын өзгерту, толықтыру, түзету мен қалпына келтiруге байланысты куәлiк бергенi үшiн 0,5 АЕК мөлшерiнде мемлекеттiк баж алынады.

Мемлекеттiк баж сомасы "Салық және бюджетке төленетiн басқа да мiндеттi төлемдер туралы" 2008 жылғы 10 желтоқсандағы Қазақстан Республикасы кодексiнiң (Салық кодексi) 537-бабына сәйкес белгiленген мөлшерлемелер бойынша есептеледi және заңдық маңызы бар iс-әрекеттер жасалған және (немесе) уәкiлеттi мемлекеттiк органдардың немесе лауазымды адамдардың құжаттарды берген орны бойынша есепке алынады.

Мемлекеттiк корпорацияда мемлекеттiк баж төлем мөлшерi мен төленген күнiн растайтын төлем құжатын беретiн банк мекемелерi арқылы төленедi.

Мемлекеттiк қызметтi көрсетуге электрондық сұрау салуды портал арқылы берген кезде төлем "электрондық үкiметтiң" төлем шлюзi (бұдан әрi — ЭҮТШ) арқылы жүзеге асырылады.

8. Жұмыс кестесi:

1) көрсетiлетiн қызметтi берушiде — Қазақстан Республикасының еңбек заңнамасына сәйкес демалыс және мереке күндерiн қоспағанда, дүйсенбiден бастап жұманы қоса алғанға дейiн.

Өтiнiштердi қабылдау және мемлекеттiк қызмет көрсету нәтижесiн беру — Қазақстан Республикасының еңбек заңнамасына сәйкес демалыс және мереке күндерiн қоспағанда, сағат 13.00-ден 14.30-ға дейiн түскi үзiлiспен, дүйсенбiден бастап жұманы қоса алғанда, сағат 09.00-ден 17.30-ға дейiн.

Мемлекеттiк көрсетiлетiн қызмет алдын ала жазылусыз және жеделдетiп қызмет көрсетусiз кезек тәртiбiмен көрсетiледi.

2) Мемлекеттiк корпорацияда — Қазақстан Республикасының еңбек заңнамасына сәйкес және белгiленген жұмыс кестесiне сәйкес жексенбi және мереке күндерiн қоспағанда, дүйсенбiден бастап сенбiнi қоса алғанда, үзiлiссiз, сағат 9.00-ден 20.00-ге дейiн.

Мемлекеттiк көрсетiлетiн қызмет "электрондық" кезек тәртiбiмен, ата-анасының бiреуiнiң тұрғылықты жерi бойынша немесе баланың туған жерi бойынша жеделдетiп қызмет көрсетусiз көрсетiледi, электрондық кезектi портал арқылы брондауға болады.

3) порталда — тәулiк бойы жөндеу жұмыстарын жүргiзуге байланысты техникалық үзiлiстердi қоспағанда (көрсетiлетiн қызметтi алушы жұмыс уақыты аяқталғаннан кейiн, Қазақстан Республикасының еңбек заңнамасына сәйкес демалыс және мереке күндерi өтiнiш бiлдiрген кезде өтiнiштердi қабылдау және мемлекеттiк қызмет көрсетудiң нәтижесiн беру келесi жұмыс күнi жүзеге асырылады).

9. Көрсетiлетiн қызметтi алушы көрсетiлетiн қызметтi берушiге немесе Мемлекеттiк корпорацияға жүгiнген кезде некенi (ерлi-зайыптылықты) бұзуды тiркеу үшiн қажеттi құжаттардың тiзбесi:

1) осы мемлекеттiк көрсетiлетiн қызмет стандартына 1-қосымшаға сәйкес нысан бойынша некенi (ерлi-зайыптылықты) бұзуды мемлекеттiк тiркеу туралы өтiнiш;

2) жеке басын куәландыратын құжат (сәйкестендiру үшiн);

3) некенi (ерлi-зайыптылықты) бұзу туралы сот шешiмiнiң көшiрмесi;

4) бюджетке мемлекеттiк баждың төленгенiн растайтын құжат;

5) көрсетiлетiн қызметтi алушының өкiлi жүгiнген жағдайда нотариат куәландырған сенiмхат.

Көрсетiлетiн қызметтi алушы көрсетiлетiн қызметтi берушiге жүгiнген кезде кәмелетке толмаған балалары жоқ ерлi-зайыптылардың өзара келiсiмi бойынша некенi (ерлi-зайыптылықты) бұзуды тiркеу үшiн:

1) осы мемлекеттiк көрсетiлетiн қызмет стандартына 2-қосымшаға сәйкес нысан бойынша некенi (ерлi-зайыптылықты) бұзу туралы өтiнiш;

2) жеке басын куәландыратын құжат (сәйкестендiру үшiн);

3) некенi қию (ерлi-зайыптылық) туралы куәлiк;

4) бюджетке мемлекеттiк баждың төленгенiн растайтын құжат.

Сот шешiмiнiң негiзiнде белгiленген тәртiпппен хабарсыз кеткен немесе жан күйзелiсi сырқаты немесе ақыл-есiнiң кемдiгi салдарынан әрекетке қабiлетсiз деп танылған адамдармен не қылмыс жасағаны үшiн үш жылдан астам мерзiмге бас бостандығынан айыруға сотталған адамдармен некенi (ерлi-зайыптылықты) бұзуды тiркеу үшiн:

1) осы мемлекеттiк көрсетiлетiн қызмет стандартына 3-қосымшаға сәйкес нысан бойынша жұбайын хабар-ошарсыз кеткен не әрекетке қабiлетсiз деп тану туралы заңды күшiне енген сот шешiмiнiң, сондай-ақ қылмыс жасағаны үшiн кемiнде үш жыл мерзiмге бас бостандығынан айыруға сотталғандығы туралы сот үкiмiнiң негiзiнде некенi (ерлi-зайыптылықты) бұзуды мемлекеттiк тiркеу туралы өтiнiш;

2) жеке басын куәландыратын құжат (сәйкестендiру үшiн);

3) сот шешiмiнiң немесе сот үкiмiнiң көшiрмесi;

4) неке қию (ерлi-зайыптылық) туралы куәлiк;

5) бюджетке мемлекеттiк баждың төленгенiн растайтын құжат;

6) көрсетiлетiн қызмет алушының өкiлi жүгiнген жағдайда нотариат куәландырған сенiмхат;

Көрсетiлетiн қызметтi алушы көрсетiлетiн қызметтi берушiге немесе Мемлекеттiк корпорацияға жүгiнген кезде некенi (ерлi-зайыптылықты) бұзу туралы акт жазбасына өзгерiстер, толықтырулар мен түзетулер енгiзу үшiн қажеттi құжаттар тiзбесi:

1) осы мемлекеттiк көрсетiлетiн қызмет стандартына 4-қосымшаға сәйкес нысан бойыша өзгерiстер, толықтырулар мен түзетулер енгiзу туралы өтiнiш;

2) жеке басын куәландыратын құжат (сәйкестендiру үшiн);

3) некенi (ерлi-зайыптылықты) бұзу туралы куәлiк, егер куәлiктiң түпнұсқасы жоғалған болса — некенi (ерлi-зайыптылықты) бұзу туралы анықтама;

4) бюджетке мемлекеттiк баждың төленгенiн растайтын құжат;

5) көрсетiлетiн қызметтi алушының өкiлi жүгiнген жағдайда нотариат куәландырған сенiмхат.

Құжаттарды қабылдау кезiнде Астана және Алматы қалаларының, аудандардың және облыстық маңызы бар қалалардың, қаладағы аудандардың, аудандық маңызы бар қалалардың ЖАО, кенттердiң, ауылдардың, ауылдық округтердiң әкiмдерi немесе Мемлекеттiк корпорацияның қызметкерi құжаттардың көшiрмелерiн тексередi, одан кейiн көрсетiлетiн қызметтi берушiге түпнұсқасын қайтарады.

Егер тiркеу Қазақстан Республикасының аумағында 2008 жылдан кейiн жүргiзiлген болса, көрсетiлетiн қызметтi алушының жеке басын куәландыратын құжаттар туралы мәлiметтер, көрсетiлетiн қызметтi алушымен бюджетке төленген алымның соммасын растайтын құжат (ЭҮПШ арқылы төленген жағдайда), сондай-ақ азаматтық хал актiлерiн тiркеу туралы куәлiктер көрсетiлетiн қызметтi берушi немесе Мемлекеттiк корпорация қызметкерi "электрондық үкiмет" шлюзi арқылы тиiстi мемлекеттiк ақпараттық жүйелерден алады.

Кәмелетке толмаған балалары жоқ ерлi-зайыптылардың өзара келiсiмi бойынша некенi (ерлi-зайыптылықты) бұзуды тiркеу үшiн порталға жүгiнген кезде:

1) көрсетiлетiн қызметтi алушының ЭЦҚ-мен куәландырылған немесе порталдың есептiк жазбасына ұялы байланыс операторы ұсынған, көрсетiлетiн қызметтi алушының абоненттiк нөмiрi қосылған және тiркелген жағдайда, бiр рет қолданатын парольмен куәландырылған электрондық өтiнiш;

2) азаматтық хал актiлерiн тiркеу туралы электрондық құжат (Қазақстан Республикасының аумағында 2008 жылдан кейiн тiркелген құжаттар ұсынылмайды).

Мемлекеттiк қызмет Мемлекеттiк корпорация арқылы көрсетiлген жағдайда көрсетiлетiн қызметтi алушы, егер Қазақстан Республикасының заңнамасында өзгеше көзделмесе, ақпараттық жүйелердегi заңмен қорғалатын құпияны құрайтын мәлiметтердi пайдалануға Мемлекеттiк корпорация берген нысан бойынша жазбаша келiсiм бередi.

Порталда электрондық өтiнiштi қабылдау көрсетiлетiн қызметтi алушының "жеке кабинетiнде" жүзеге асырылады. Ұсынылған құжаттар көрсетiлетiн қызметтi алушының ЭЦҚ-мен куәландырылған құжаттардың электрондық көшiрмелерi түрiнде табысталады.

Көрсетiлетiн қызметтi алушы осы мемлекеттiк көрсетiлетiн қызмет стандартының 9-тармағында көрсетiлген құжаттарды беру кезiнде өтiнiштiң қабылданғанын растайтын:

1) Астана және Алматы қалаларының, аудандардың және облыстық маңызы бар қалалардың, қаладағы аудандардың, аудандық маңызы бар қалалардың ЖАО, кенттердiң, ауылдардың, ауылдық округтердiң әкiмдерiнде қағаз түрiнде құжаттар топтамасының қабылданған күнi мен уақыты көрсетiлген тiркеу туралы белгi;

2) портал арқылы — көрсетiлетiн қызметтi алушының "жеке кабинетiнде" сұрау салудың қабылданғаны туралы мәртебесi және мемлекеттiк қызмет көрсетудiң нәтижесiн алу тәртiбi көрсетiледi.

3) Мемлекеттiк корпорацияда: сұрау салудың нөмiрi мен қабылданған күнi, сұратылып отырған мемлекеттiк көрсетiлетiн қызметтiң түрi, қоса берiлген құжаттардың саны мен атауы, құжаттарды беру күнi, уақыты және орны, құжаттарды ресiмдеуге қабылдаған Мемлекеттiк корпорация қызметкерiнiң тегi, аты, әкесiнiң аты (бар болса), көрсетiлетiн қызметтi алушының тегi, аты, әкесiнiң аты (бар болса), уәкiлеттi өкiлдiң тегi, аты, әкесiнiң аты және олардың байланыс телефондары көрсетiлген қолхат берiледi.

Мемлекеттiк корпорацияда дайын құжаттарды беру көрсетiлетiн қызметтi алушының жеке басын куәландыратын құжатты ұсынуы арқылы (немесе нотариат куәландырған сенiмхат бойынша өкiлдiң) қолхат негiзiнде жүзеге асырылады.

Мемлекеттiк корпорация нәтиженiң бiр ай бойы сақталуын қамтамасыз етедi, содан кейiн көрсетiлетiн қызметтi берушiге одан әрi сақтау үшiн бередi. Көрсетiлетiн қызметтi алушы бiр ай өткен соң өтiнiш жасаған кезде көрсетiлетiн қызметтi берушi Мемлекеттiк корпорацияның сұрау салуы бойынша бiр жұмыс күнi iшiнде дайын құжаттарды Мемлекеттiк корпорацияға көрсетiлетiн қызметтi алушыға беру үшiн жолдайды.

10. Көрсетiлетiн қызметтi берушi мемлекеттiк қызметтi көрсетуден мынадай:

1) көрсетiлетiн қызметтi алушының мемлекеттiк көрсетiлетiн қызметтi алу үшiн ұсынған құжаттардың және (немесе) олардағы деректердiң (мәлiметтердiң) анық еместiгiн белгiлеу;

2) көрсетiлетiн қызметтi алушының және (немесе) мемлекеттiк қызмет көрсету үшiн қажеттi ұсынылған материалдардың, деректердiң және мәлiметтердiң "Неке (ерлi-зайыптылық) және отбасы туралы" Қазақстан Республикасы Кодексiнiң, "Жеке басты куәландыратын құжаттар туралы" және "Сәйкестендiру нөмiрлерiнiң ұлттық тiзiлiмдерi туралы" Қазақстан Республикасы Заңдарының, Қазақстан Республикасы Әдiлет министрiнiң "Азаматтық хал актiлерiн мемлекеттiк тiркеудi ұйымдастыру, азаматтық хал актiлерiнiң жазбаларына өзгерiстер енгiзу, қалпына келтiру, күшiн жою тәртiбi қағидаларын бекiту туралы" 2015 жылғы 25 ақпандағы № 112 бұйрығының (Нормативтiк құқықтық актiлердi мемлекеттiк тiркеу тiзiлiмiнде № 10764 болып тiркелдi) талаптарына сәйкес келмеуi;

3) уәкiлеттi мемлекеттiк органның мемлекеттiк қызмет көрсету үшiн қажеттi келiсу туралы сұрау салуға берiлген терiс жауабы, сондай-ақ сараптаманың, зерттеудiң не тексерудiң терiс қорытындысы;

4) ерлi-зайыптылардың бiрлескен өтiнiшi негiзiнде некенi (ерлi-зайыптылықты) бұзуды мемлекеттiк тiркеу үшiн өкiл арқылы жүгiнген кезде негiздер бойынша бас тартады.

Көрсетiлетiн қызметтi алушы осы мемлекеттiк көрсетiлетiн қызмет стандартының 9-тармағында көзделген тiзбеге сәйкес құжаттардың топтамасын толық ұсынбаған және (немесе) қолданылу мерзiмi өтiп кеткен құжаттарды ұсынған жағдайда көрсетiлетiн қызметтi берушi немесе Мемлекеттiк корпорация қызметкерi өтiнiштi қабылдаудан бас тартады, бұл ретте Мемлекеттiк корпорация қызметкерi осы мемлекеттiк көрсетiлетiн қызмет стандартына 3-қосымшаға сәйкес нысан бойынша құжаттарды қабылдаудан бас тартқаны туралы қолхат бередi.

3. Көрсетiлетiн қызметтi берушiлердiң және (немесе) олардың

лауазымды адамдарының мемлекеттiк қызметтер көрсету мәселелерi

бойынша шешiмдерiне, әрекеттерiне (әрекетсiздiгiне)

шағымдану тәртiбi

11. Көрсетiлетiн қызметтi берушiнiң және (немесе) оның лауазымды адамдарының мемлекеттiк қызметтер көрсету мәселелерi бойынша шешiмдерiне, әрекеттерiне (әрекетсiздiгiне): шағым мемлекеттiк қызмет көрсету стандартының 14-тармағында көрсетiлген мекенжайлар бойынша көрсетiлетiн қызмет берушiнiң басшысының атына берiледi.

Лауазымды адамдардың әрекетiне (әрекетсiздiгiне), сондай-ақ субъектiнiң шешiмдерiне шағым, жоғары тұрған лауазымды адамға немесе субъектiге бағыныштылық тәртiбiмен және немесе заңды тұлғаға тиiстi субъектiнiң немесе лауазымды адамның әрекет жасағыны не шешiм қабылдағаны тұралы кезден туралы кезден үш бастап айдан кешiктiрмей берiледi. Шағым беру мерзiмiнiң өтiп кетуi субъектi немесе лауазымды тұлғаның шағымды қараудан бас тартуына негiз болып табылмайды. Мерзiмнiң өтуiнiң себептерi шағымды мәнi бойынша қарау кезiнде анықталады және шағымды қанағаттандырудан бас тартуға негiздердiң бiрi болып табыла алады.

Көрсетiлетiн қызметтi алушы мемлекеттiк көрсетiлген қызметтiң нәтижелерiмен келiспеген жағдайда ол мемлекеттiк қызметтер көрсету сапасын бағалау және бақылау жөнiндегi уәкiлеттi органға шағым жасай алады.

Көрсетiлетiн қызметтi алушының мемлекеттiк қызмет көрсету сапасын бағалау және бақылау жөнiндегi уәкiлеттi органның атына келiп түскен шағымы тiркелген күнiнен бастап 15 (он бес) жұмыс күнi iшiнде қаралуға жатады.

Мемлекеттiк көрсетiлетiн қызмет нәтижелерiмен келiспеген жағдайда, көрсетiлетiн қызметтi алушы Қазақстан Республикасының заңнамасында белiленген тәртiппен сотқа жүгiне алады.

Шағым пошта арқылы жазбаша нысанда, "электронды үкiмет" веб-порталы арқылы не көрсетiлетiн қызметтi берушiнiң, Министрлiктiң кеңсесi арқылы қолма-қол берiледi.

Жеке тұлғаның шағымында оның тегi, аты, әкесiнiң аты (бар болса), пошталық мекенжайы, байланыс телефоны көрсетiледi.

Көрсетiлетiн қызметтi берушiнiң кеңсесiнде шағымды қабылдап алған адамның тегi мен аты-жөнi, берiлген шағымға жауап алудың мерзiмi мен орны көрсетiле отырып, шағымды тiркеу (мөртабан, кiрiс нөмiрi және күнi) шағымның қабылданғанын растау болып табылады.

Мемлекеттiк корпорацияда, Министерстрлiкте қолма-қол да, пошта арқылы да түскен шағымның қабылданғанын растау оны тiркеу (тiркеу мөртабаны, кiрiс нөмiрi және тiркеу күнi шағымның немесе шағымға iлеспе хатта екiншi данасына қойылады) болып табылады.

Портал арқылы жүгiнген кезде шағым жасаудың тәртiбi туралы ақпаратты Бiрыңғай байланыс орталығының 1414, 8 800 080 7777 телефоны бойынша алуға болады.

Көрсетiлетiн қызметтi алушыға шағымды портал арқылы "жеке кабинеттен" жөнелткен кезде жүгiну туралы ақпарат қолжетiмдi болады, ол көрсетiлетiн қызметтi берушiнiң өтiнiшiн өңдеу (жеткiзу, тiркеу, орындау туралы белгiлер, қарау немесе қараудан бас тарту туралы жауап) барысында жаңартылып тұрады.

Көрсетiлетiн қызметтi алушының көрсетiлетiн қызметтi берушiнiң немесе Мемлекеттiк корпорацияның атына келiп түскен шағымы тiркелген күнiнен бастап бес жұмыс күнi iшiнде қаралуға жатады. Шағымды қараудың нәтижелерi туралы дәлелдi жауап көрсетiлетiн қызметтi алушыға пошта арқылы, "электронды үкiмет" веб-порталы арқылы жiберiледi не көрсетiлетiн қызметтi берушiнiң кеңсесiнде немесе Мемлекеттiк корпорацияда қолма-қол берiледi.

12. Көрсетiлген мемлекеттiк қызмет нәтижелерiмен келiспеген жағдайларда көрсетiлетiн қызметтi алушы Қазақстан Республикасының заңнамасында көзделген тәртiппен сотқа жүгiне алады.

4. Мемлекеттiк қызмет көрсету, оның iшiнде электрондық нысанда

және Мемлекеттiк корпорация арқылы көрсетiлетiн қызметтiң

ерекшелiктерi ескерiлген өзге де талаптар

13. Тұрмыс-тiршiлiгiн шектейтiн кемiстiгiне байланысты ағза функциялары тұрақты бұзылып, денсаулығы нашарлаған көрсетiлетiн қызметтi алушыларға қажет болған жағдайда Мемлекеттiк корпорация қызметкерi 1414, 8 800 080 7777 Бiрыңғай байланыс орталығы арқылы жүгiну жолымен мемлекеттiк қызмет көрсету үшiн құжаттарды қабылдауды тұрғылықты жерiне барып жүргiзедi.

14. Мемлекеттiк қызмет көрсету орындарының мекенжайлары мемлекеттiк қызмет берушiнiң және Мемлекеттiк корпорацияның www.gov4с.kz интернет-ресурстарында орналастырылған.

15. Көрсетiлетiн қызметтi алушының мемлекеттiк көрсетiлетiн қызметтi ЭЦҚ болған немесе порталдың есептiк жазбасына ұялы байланыс операторы ұсынған, көрсетiлетiн қызметтi алушының абоненттiк нөмiрi қосылған және тiркелген жағдайда, бiр рет қолданылатын парольды қолданған жағдайда портал арқылы электрондық нысанда алуға мүмкiндiгi бар.

16. Көрсетiлетiн қызметтi алушының мемлекеттiк қызмет көрсетудiң тәртiбi мен мәртебесi туралы ақпаратты 1414, 8 800 080 7777 Бiрыңғай байланыс орталығы арқылы қашықтықтан қолжетiмдiлiк режимiнде алуға мүмкiндiгi бар.

Жүктеу (DOCX 56 Kb)

Мақаланың шыққан күні: 24.07.2018 15:53
Парақтағы соңғы өзгерістер: 24.07.2018 15:53
Қаралым саны: 263

egov.kz - мемлекеттік қызметтер және ақпарат онлайн

@2018 Ақмола облысының жұмыспен қамтуды және әлеуметтік бағдарламаларды үйлестіру басқармасы

Пошталық мекенжайы: Көкшетау қаласы, Пушкин көшесі, 23

Телефон: 8 (7162) 76-36-90

Электрондық пошта адресі: social@akmo.kz